विधानसभा निवडणुकीत तीन राज्यांमध्ये भारतीय जनता पक्षाने बाजी
विधानसभा निवडणुकीत तीन राज्यांमध्ये भारतीय जनता पक्षाने बाजी
उरण : प्रतिनिधी
पाच राज्यांच्या विधानसभा निवडणुकीत रविवारी (दि.3) निकाल जाहीर झालेल्या चारपैकी तीन राज्यांमध्ये भारतीय जनता पक्षाने बाजी मारली आहे. याबद्दल उरण मधील भाजपच्या तालुका व शहर कार्यालय येथे उरण मतदारसंघाचे आमदार महेश बालदी यांच्या उपस्थितीत आनंद व्यक्त करण्यात आला. या वेळी फटाक्यांची आतजबाजी करून, वाद्यांच्या गजरात नाचून व पेढे वाटून कार्यकर्त्यांनी जल्लोष केला. भाजपने पंतप्रधान नरेंद्र मोदींच्या नेतृत्वाखाली मध्य प्रदेश, राजस्थान आणि छत्तीसगडमध्ये विजय मिळवित काँग्रेसप्रणित इंडिया आघाडीला धोबीपछाड दिला. विजयानंतर पनवेल येथे भाजप पदाधिकारी व कार्यकर्त्यांनी आनंदोत्सव साजरा केला. यावेळी उरण तालुका अध्यक्ष रवी पाटील उरण शहराध्यक्ष उरण नगराध्यक्ष नगरसेवक व आदी पदाधिकारी व कार्यकर्ते उपस्थित होते.
