पिंपरी-चिंचवडमध्ये अवैध केमिकल व गॅस गोदामांवर महापालिकेचा धडक मोर्चा

पिंपरी-चिंचवडमध्ये अवैध केमिकल व गॅस गोदामांवर महापालिकेचा धडक मोर्चा

    'हेल्प फाउंडेशन'च्या "एक्सपर्ट्ससह" व्यापक तपासणी सुरू

प्रतिनिधी | ​पिंपरी-चिंचवड

       शहरातील नागरिकांच्या सुरक्षेला सर्वोच्च प्राधान्य देत पिंपरी-चिंचवड महानगरपालिकेच्या अतिक्रमण निर्मूलन विभागाने सध्या संपूर्ण शहरात एक व्यापक आणि धडक मोहीम हाती घेतली आहे. या विशेष मोहिमेअंतर्गत शहरातील रासायनिक (केमिकल) आणि गॅस व्यावसायिकांच्या साठवणूक व्यवस्था, सुरक्षेचे कडक निकष आणि त्यांच्या एकूणच कार्यपद्धतीची अत्यंत सखोल आणि काटेकोर तपासणी केली जात आहे. भविष्यात घडू शकणारे संभाव्य अपघात आणि जीवितहानी टाळण्यासाठी महापालिकेने हे पाऊल उचलले आहे.

​या विशेष तपासणी मोहिमेचे मुख्य वैशिष्ट्य म्हणजे, तांत्रिक अचूकतेसाठी 'HELP Foundation' चे नामांकित केमिकल एक्सपर्ट धनंजय गीध यांचे प्रशासनाला महत्त्वपूर्ण तांत्रिक सहकार्य लाभत आहे. सुरक्षेचे निकष तपासण्यात त्यांच्या सोबतीला कार्तिक गुजरे हे देखील सक्रियपणे कामगिरी चोख बजावत आहेत. या तज्ज्ञांच्या मार्गदर्शनामुळे रासायनिक साठ्यांची तांत्रिक तपासणी करणे प्रशासनाला अधिक सुलभ झाले आहे.

​केवळ महापालिकाच नव्हे, तर या संयुक्त कारवाईत महसूल विभाग, पोलीस प्रशासन आणि इतर संबंधित शासकीय यंत्रणा देखील खांद्याला खांदा लावून सक्रियपणे सहभागी झाल्या आहेत. शहरात कुठेही नियमांचे उल्लंघन करून किंवा सुरक्षेची काळजी न घेता गॅस आणि केमिकलचा साठा केला जात असल्यास, त्यावर तात्काळ कायदेशीर कारवाई केली जात आहे. नागरिकांच्या सुरक्षिततेच्या दृष्टीने सर्व आवश्यक बाबींची पडताळणी केली जात असून, या धडक कारवाईमुळे अवैध साठेबाजांचे धाबे दणाणले आहेत.