आंदोलन Breaking News

खालापूरमध्ये महायुतीचा भगवा रणसंग्राम     शिवसेना–भाजप–आरपीआय महायुती मैदानात; उबाठावर थोरवेंची जोरदार टीका – “घड्याळाला निष्ठावंत शिवसैनिक कधीही मतदान करणार नाही” खालापूर | राहुल जाधव  खालापूर तालुक्यातील जिल्हा परिषद व पंचायत समिती निवडणुकांसाठी शिवसेना (शिंदे गट), भारतीय जनता पार्टी आणि रिपब्लिकन पार्टी ऑफ इंडिया (आरपीआय) या महायुतीने दमदार शक्तीप्रदर्शन करत निवडणूक रणांगणात उडी घेतली आहे. चारही जिल्हा परिषद जागांपैकी दोन जागांवर भाजप, तर दोन जागांवर शिवसेनेचे उमेदवार, तसेच पंचायत समितीच्या आठ गणांपैकी पाच भाजप व तीन शिवसेनेचे उमेदवार अशा ठोस बलाबलासह महायुती निवडणूक लढवत असल्याची माहिती कर्जत–खालापूरचे आमदार महेंद्र थोरवे यांनी दिली.         उमेदवारी अर्ज दाखल करताना संपूर्ण खालापूर तालुक्यातून उत्स्फूर्त जनसमर्थन पाहायला मिळाले असून, यामुळे महायुतीच्या विजयाची पुनरावृत्ती निश्चित असल्याचा विश्वास आमदार थोरवे यांनी व्यक्त केला. “शिवसेना–भाजप ही पारंपरिक युती आहे. खोपोली नगरपालिकेत महायुतीच्या माध्यमातून ऐतिहासिक विजय मिळवला असून, जिल्हा...

वावोशी भीमनगर येथे महिलांसाठी डिजिटल साक्षरता प्रशिक्षण; टाटा स्टील फाउंडेशनचा पुढाकार वावोशी | जतिन मोरे       टाटा स्टील फाउंडेशनच्या महिला सक्षमीकरण उपक्रमांतर्गत वावोशी येथील भीमनगर परिसरात महिलांसाठी दोन दिवसीय डिजिटल साक्षरता प्रशिक्षण कार्यक्रम यशस्वीपणे पार पडला. या उपक्रमात परिसरातील ३० महिलांनी उत्स्फूर्त सहभाग घेतला.        महिलांना डिजिटल तंत्रज्ञानाची ओळख करून देणे, शासकीय योजनांचा स्वतःहून लाभ घेता यावा तसेच मोबाईलचा सुरक्षित व परिणामकारक वापर करता यावा, हा प्रशिक्षणाचा उद्देश होता. प्रशिक्षणादरम्यान डिजिलॉकर, मेरा रेशन, ई-आधार, आयुष्यमान भारत योजना यांसह सायबर सुरक्षितता व मोबाईल सेफ्टीबाबत सविस्तर मार्गदर्शन करण्यात आले. टाटा स्टील फाउंडेशनच्या फिल्ड कोऑर्डिनेटर करूणा कदम यांनी डिजिटल साक्षरतेचे महत्त्व अधोरेखित केले. प्रशिक्षक रंजना राणे यांनी प्रत्यक्ष प्रात्यक्षिकातून मोबाईल ॲप्सचा वापर समजावून सांगितला. या उपक्रमामुळे महिलांमध्ये डिजिटल आत्मविश्वास वाढल्याचे सहभागी महिलांनी सांगितले. यावेळी या कार्यक्रमाला प्रशिक्षक...

वावोशीचे शर्यतप्रेमी व कुस्तीप्रेमी व्यक्तिमत्त्व हरिश्चंद्र हातनोलकर यांचे निधन; रामनवमी कुस्ती स्पर्धेचे प्रमुख पंच, माजी पैलवान व सामाजिक कार्यकर्त्याला गावाचा भावपूर्ण निरोप वावोशी | जतिन मोरे        वावोशी गावातील बैलशर्यती आणि कुस्तीची आवड जिवंत ठेवणारे, क्रीडासंस्कृतीचे जतन करणारे ज्येष्ठ व्यक्तिमत्त्व हरिश्चंद्र हातनोलकर (वय ७९) यांचे २५ डिसेंबर २०२५ रोजी अल्पशा आजाराने निधन झाले. त्यांच्या निधनाने वावोशीसह संपूर्ण परिसरात हळहळ व्यक्त केली जात आहे.           रामनवमीच्या निमित्ताने वावोशी येथे दरवर्षी आयोजित होणाऱ्या कुस्ती स्पर्धांमध्ये रायगड जिल्ह्यासह विविध भागांतील नामवंत व गाजलेले पैलवान सहभागी होत असत. या कुस्तीच्या आखाड्यात हरिश्चंद्र हातनोलकर हे प्रमुख पंच म्हणून निष्पक्ष व जबाबदारीची भूमिका बजावत असत. त्यांच्या निर्णयांमुळे कुस्ती स्पर्धांना विशेष प्रतिष्ठा लाभली होती. हरिश्चंद्र हातनोलकर हे स्वतः पूर्वीचे पैलवान होते. त्यांनी आपल्या तारुण्यात अनेक कुस्त्यांमध्ये बाजी मारून विविध स्पर्धांमध्ये यश संपादन केले ह...

१ जानेवारी भीमा-कोरेगाव शौर्यदिन सोहळ्यास मुंबई उच्च न्यायालयाची सशर्त मंजुरी; न्यायालयाच्या अटींचे पालन करण्याचे आवाहन वावोशी | जतिन मोरे      भीमा-कोरेगाव येथील शूरवीरांना मानवंदना देण्यासाठी दरवर्षी साजरा करण्यात येणाऱ्या शौर्यदिन कार्यक्रमास मुंबई उच्च न्यायालयाने सशर्त परवानगी दिली आहे. त्यामुळे १ जानेवारी २०२६ रोजी शौर्यदिन कार्यक्रमाचे आयोजन करता येणार आहे.          भीमा-कोरेगाव येथील जागेचे प्रकरण न्यायप्रविष्ट असल्याने दरवर्षी न्यायालयाची परवानगी आवश्यक असते. यासंदर्भात मुंबई उच्च न्यायालयाचे न्यायमूर्ती संदीप मारणे यांच्या न्यायालयात नुकतीच सुनावणी पार पडली. या सुनावणीदरम्यान वादी व प्रतिवादी यांच्या वतीने संबंधित वकिलांनी आपापल्या बाजू सविस्तरपणे मांडल्या. या प्रकरणात प्रतिवादी म्हणून भीमा-कोरेगाव विजयस्तंभ संरक्षण व संवर्धन समितीचे अध्यक्ष दादाभाऊ अभंग स्वतः न्यायालयात उपस्थित होते, तर प्रतिवादींची बाजू ॲड. रुपेश लांजेकर यांनी मांडली. दोन्ही बाजूंचे म्हणणे ऐकून घेतल्यानंतर न्यायालयाने काही सशर्त अटी घालून भीमा-कोरेगाव शौर्य...

खालापूरातील शेतकऱ्यांच्या प्रश्नांसाठी वरद विनायक शेतकरी संस्थेकडून तहसीलदार व गटविकास अधिकाऱ्यांना निवेदन       ई-पिक पाहणी, नुकसान भरपाई, फार्मर आयडी व पशुवैद्यकीय विभागातील हलगर्जीपणाबाबत त्वरीत कार्यवाहीची मागणी वावोशी / जतिन मोरे : खालापूर तालुक्यातील शेतकऱ्यांच्या विविध तातडीच्या प्रश्नांबाबत वरद विनायक शेतकरी सामाजिक संस्था, खालापूर तालुका – खानाव यांच्या माध्यमातून खालापूर तहसीलदार व गटविकास अधिकारी खालापूर यांना निवेदन देण्यात आले. ई-पिक पाहणी, फार्मर आयडी व नुकसानभरपाईचे प्रश्न ऐरणीवर या भेटीदरम्यान उपस्थित शेतकऱ्यांनी ई-पिक पाहणीतील अडचणी, फार्मर आयडी न मिळणे, आंबा व भात पिकांच्या नुकसानीची भरपाई अशा प्रमुख मागण्यांवर चर्चा केली. याशिवाय पशुवैद्यकीय डॉक्टर अधिकाऱ्यांच्या हलगर्जीपणामुळे शेतकऱ्यांना भेडसावत असलेल्या अडचणींबाबतही अधिकाऱ्यांचे लक्ष वेधण्यात आले. शेतकऱ्यांना न्याय मिळावा, यासाठी त्वरीत उपाययोजना राबवाव्यात, अशी सामूहिक मागणी करण्यात आली. जिल्हा परिषदेचे माजी उपाध्यक्ष व माजी सभापतींची उपस्थिती शेतकऱ्यांच्या न्याय मागणीला बळ देण्यासाठी र...

जागतिक मत्स्यव्यवसाय दिनानिमित्त ‘फिश रोग निदान व इको-फ्रेंडली तंत्रज्ञान’ विषयक प्रशिक्षण संपन्न आयसीएआर–सीआयएफटी मुंबई संशोधन केंद्रात तज्ज्ञांचे मार्गदर्शन; मत्स्यव्यवसायातील रोग प्रतिबंध, मूल्यवर्धन आणि पर्यायी ऊर्जा उपायांवर सखोल चर्चा नवी मुंबई | जतिन मोरे       जागतिक मत्स्यव्यवसाय दिवसाच्या पार्श्वभूमीवर आयसीएआर–सेंट्रल इन्स्टिट्यूट ऑफ फिशरीज टेक्नॉलॉजी (CIFT) मुंबई संशोधन केंद्रात "फिश रोग निदान, प्रतिबंधात्मक उपाययोजना आणि इको-फ्रेंडली पोस्ट-हार्वेस्ट टेक्नॉलॉजीज" या विषयावर एक दिवसीय प्रशिक्षण-सह-जागरूकता कार्यक्रम उत्साहात पार पडला. हा कार्यक्रम NSPAD–PMMSY अंतर्गत आयसीएआर–CIFT नवी मुंबई व आयसीएआर–सेंट्रल इन्स्टिट्यूट ऑफ फिशरीज एज्युकेशन (CIFE) वर्सोवा यांच्या संयुक्त विद्यमाने २१ नोव्हेंबर रोजी आयोजित करण्यात आला होता.            या कार्यक्रमाची सुरुवात सकाळी १०.३० वाजता ‘रिपोर्ट फिश डिसीज’ अॅप नोंदणी व जनजागृती सत्राने झाली. श्री. साजन यांनी मार्गदर्शन केले. त्यानंतर आयसीएआर गान सादर करण्यात आले. स्वागत भाषण डॉ....

‘देवदूत’ आशा सेविकेचा आमदार महेंद्र थोरवे यांच्या हस्ते सन्मान; आरोग्य सेवेत मोलाची भूमिका; मानधनवाढीसाठी अधिवेशनात मुद्दा मांडणार वावोशी | जतिन मोरे        कर्जत–खालापूर मतदारसंघातील ग्रामीण आरोग्य सेवेला आधार देणाऱ्या आणि जनतेच्या आरोग्याचे खरे प्रहरी ठरलेल्या आशा सेविकांचा दिवाळीनिमित्त आमदार महेंद्र थोरवे यांच्या हस्ते सन्मान करण्यात आला. या कार्यक्रमात आमदार थोरवे यांनी प्रत्येक आशा सेविकेला मानधन व मिठाई देत दिवाळी सणाच्या शुभेच्छा दिल्या.              कोरोना काळात आणि त्यानंतरच्या काळातही समाजाच्या आरोग्यासाठी अखंडपणे कार्य करणाऱ्या आशा वर्कर्सच्या सेवाभाव व निष्ठेबद्दल आमदारांनी कृतज्ञता व्यक्त केली. “ग्रामीण भागात आरोग्य सेवेच्या प्रत्येक टप्प्यावर तुम्ही देवदूतासारखे कार्य करत आहात. कठीण परिस्थितीतही सेवाभावाने काम करणाऱ्या आशा वर्कर्समुळेच सरकारची आरोग्य व्यवस्था सक्षम राहिली आहे,” असे आमदार थोरवे यांनी सांगितले. तसेच, आशा वर्कर्सना अत्यल्प मानधनावर काम करावे लागते, तरीही त्या समाजातील प्रत्येक घटकापर्यंत आरोग...

सायबर गुन्ह्यांपासून सुरक्षित राहा; वावोशी विद्यालयात पोलिसांकडून सायबर जनजागृती        पोलीस अधिकारी संतोष आवटी यांनी दृकश्राव्य माध्यमातून विद्यार्थ्यांना दिले मार्गदर्शन; 50 पेक्षा अधिक विद्यार्थी व शिक्षक उपस्थित वावोशी | जतिन मोरे       सायबर गुन्ह्यांपासून स्वतःचे आणि समाजाचे संरक्षण करण्यासाठी जनजागृती होणे अत्यावश्यक आहे. याच उद्देशाने सायबर मास निमित्त श्री छत्रपती विद्यालय व ज्युनियर कॉलेज, वावोशी (ता. खालापूर, जि. रायगड) येथे दिनांक 18 ऑक्टोबर 2025 रोजी सकाळी 10.00 ते 11.00 या वेळेत विद्यार्थ्यांसाठी सायबर जनजागृती कार्यक्रमाचे आयोजन करण्यात आले.            या कार्यक्रमात वावोशी पोलिस ठाण्याचे सहाय्यक पोलिस निरीक्षक संतोष आवटी व त्यांचा स्टाफ उपस्थित होता. त्यांनी 11 वी आणि 12 वीच्या विद्यार्थ्यांना “सायबर गुन्हे आणि त्यापासून घ्यावयाची काळजी” या विषयावर दृकश्राव्य माध्यमातून (प्रोजेक्टरद्वारे) सविस्तर मार्गदर्शन केले. सायबर फसवणूक, सोशल मीडियावरील जबाबदार वापर, ऑनलाइन व्यवहारातील सावधगिरी आणि वैयक्त...

हाळखुर्द गावातील १२० वर्ष जुनी उर्दू शाळेचे नूतनीकरण — आमदार महेंद्र थोरवे यांच्या हस्ते लोकार्पण सोहळा संपन्न     ७६ लाख २० हजार रुपयांच्या निधीतून गावाला मिळाला शिक्षणाचा नवा अध्याय; आमदारांच्या प्रयत्नातून ऐतिहासिक शाळेला नवे जीवन खोपोली | जतिन मोरे      खालापूर तालुक्यातील हाळखुर्द गावात तब्बल 120 वर्षांपूर्वी स्थापन झालेल्या रायगड जिल्हा परिषदेच्या उर्दू शाळेच्या नव्या इमारतीचे लोकार्पण आमदार श्री. महेंद्र थोरवे यांच्या शुभहस्ते शनिवार, दिनांक १२ ऑक्टोबर २०२५ रोजी संपन्न झाले. जिल्हा परिषद सेस योजनेअंतर्गत ७६ लाख २० हजार रुपयांचा निधी आमदार थोरवे यांच्या विशेष प्रयत्नातून मंजूर झाला असून, या ऐतिहासिक शाळेला नवसंजीवनी प्राप्त झाली आहे.         मुंबई–पुणे जुन्या महामार्गालगत असलेल्या हाळखुर्द गावातील जुनी शाळा जीर्ण अवस्थेत असल्याने तिच्या पुनर्बांधणीची गरज तीव्र होती. सामाजिक कार्यकर्ते हुसेन खान, ग्रामपंचायत उपसरपंच अजीम मांडलेकर आणि ग्रामस्थांनी एकत्र येऊन आमदार थोरवे यांच्याकडे या मागणीसाठी पाठपुरावा केला. त्यानंतर ही मागणी...

ओलमन ग्रामपंचायतीतील राष्ट्रवादी कार्यकर्त्यांचा शिवसेनेत जाहीर पक्षप्रवेश     आमदार महेंद्र थोरवे यांच्या नेतृत्वावर विश्वास ठेवून अनेक कार्यकर्त्यांचा 'बाळासाहेब भवन' येथे प्रवेश सोहळा संपन्न वावोशी | जतिन मोरे     आमदार महेंद्र थोरवे यांच्या नेतृत्वावर व कार्यपद्धतीवर दृढ विश्वास व्यक्त करत ओलमन ग्रामपंचायत येथील राष्ट्रवादी काँग्रेस पक्षाच्या अनेक कार्यकर्त्यांनी गुरुवार, दिनांक ९ ऑक्टोबर २०२५ रोजी दुपारी २.०० वाजता कर्जत येथील बाळासाहेब भवन येथे शिवसेना पक्षात जाहीर प्रवेश केला.           या कार्यक्रमात राष्ट्रवादी काँग्रेस पक्षातील विनोद पादिर, सुदाम हिंदोळा, संतोष पादिर, किरण ठोंबरे, धर्मा नीरगुडा, भागा हिंदोळा, कुमार पादिर, मारुती पादिर, अजित वाघ, भूषण पुंजरा, रवी हिंदोळा, राजेश पादिर, रोहित पादिर, मनीष पारधी, रमेश पादिर, रोहन ठोंबरे, राज मेंगाळ, नीरज पादिर या कार्यकर्त्यांनी शिवसेनेचा झेंडा हाती घेतला. या प्रसंगी बोलताना नव्याने प्रवेश केलेल्या कार्यकर्त्यांनी सांगितले की, “शिवसेनेत कधीही नवा-जुना असा भेदभाव केला जात नाही...

धाटाव येथे बौद्ध वर्षावास प्रवचन मालिकेचा भव्य समारोप      एम. डी. कांबळे यांच्या प्रेरणादायी प्रवचनाने धम्मबांधव मंत्रमुग्ध वावोशी | जतिन मोरे      दि बुद्धिस्ट सोसायटी ऑफ इंडिया तथा भारतीय बौद्ध महासभा यांच्या वतीने ७ ऑक्टोबर रोजी धाटाव एमआयडीसी परिसरातील खैरवाडी येथे वर्षावास प्रवचन मालिका समारोप उत्साहात पार पडला.          यावेळी या कार्यक्रमाचे अध्यक्षस्थान रोहा तालुका अध्यक्ष मारुती कांबळे यांनी भूषविले, तर कोकण विभागीय अध्यक्ष एम. डी. कांबळे यांनी प्रेरणादायी प्रवचन दिले. त्यांनी बोधिसत्व डॉ. बाबासाहेब आंबेडकर यांनी दिलेल्या बौद्ध धम्मामुळे समाजाच्या प्रगतीचा पाया कसा घातला, याचे विवेचन केले. तसेच तथागत बुद्धांच्या ‘विषादवाद’ आणि ‘विमोचक’ सिद्धांतांची सोप्या भाषेत मांडणी केली. त्यांच्या ओजस्वी विचारांनी उपस्थित धम्मबांधव भारावून गेलेले पहायला मिळाले. या कार्यक्रमादरम्यान प्रवचनकार एम. डी. कांबळे यांचा हृदयस्पर्शी सत्कार करण्यात आला. यावेळी रायगड जिल्हा सल्लागार यशवंत शिंदे, सुर्यभान कांबळे, सुप्रिया कांबळे, मिराता...

आमदार महेंद्र थोरवे यांच्या हस्ते पंतप्रधान नरेंद्र मोदींचे भव्य स्वागत     नवी मुंबई आंतरराष्ट्रीय विमानतळाच्या उद्घाटन सोहळ्यात कर्जत-खालापूरचा अभिमानास्पद सहभाग वावोशी | जतिन मोरे     नवी मुंबई आंतरराष्ट्रीय विमानतळाचा भव्य उद्घाटन सोहळा पंतप्रधान नरेंद्र मोदी यांच्या हस्ते मोठ्या दिमाखात पार पडला. या ऐतिहासिक क्षणाचा साक्षीदार होण्यासाठी देश-विदेशातील मान्यवर, विविध राज्यांतील दिग्गज नेते आणि हजारो नागरिक उपस्थित होते. या सोहळ्यात कर्जत-खालापूर मतदारसंघाचे आमदार महेंद्र थोरवे यांनी पंतप्रधान नरेंद्र मोदी यांचे स्वागत करून मतदारसंघाचा सन्मान वाढविला.           कर्जतपासून अवघ्या एका तासाच्या अंतरावर उभे राहिलेले हे आंतरराष्ट्रीय विमानतळ भविष्यात या परिसराच्या सर्वांगीण विकासासाठी अत्यंत महत्त्वाचे ठरणार आहे. उद्योग, पर्यटन आणि रोजगाराच्या नव्या संधींमुळे कर्जत-खालापूर तालुक्याचा चेहरामोहरा बदलण्याची शक्यता आहे. राजकारण आणि समाजकारण या दोन्ही क्षेत्रात कार्यरत राहून एक यशस्वी उद्योजक म्हणूनही ओळख असलेल्या आमदार थोरवे यांच्या कार्...

तांबाटी ग्रामपंचायतीच्या नवीन प्रशासकीय इमारतीचे लोकार्पण — विकासाच्या नव्या पर्वाची सुरुवात...     ३.५ लाख उत्पन्नावरून ५ कोटींच्या उंचीवर प्रवास; पारदर्शक आणि कार्यसंस्कृतीचा आदर्श नमुना वावोशी | जतिन मोरे     खालापूर तालुक्यातील सर्वाधिक प्रगतिशील आणि श्रीमंत ग्रुपग्रामपंचायत तांबाटीने विकासाचा नवा टप्पा गाठला आहे. सन १९९२ मध्ये ३.५० लाख वार्षिक उत्पन्नावर कार्यरत असलेली ही ग्रामपंचायत आज तब्बल ५ कोटी रुपयांचे वार्षिक उत्पन्न मिळवणारी आदर्श ग्रामपंचायत ठरली आहे. या ग्रामपंचायतीच्या नवीन तीन मजली प्रशस्त प्रशासकीय इमारतीचे लोकार्पण गटविकास अधिकारी संदीप कराड यांच्या हस्ते करण्यात आले. यावेळी अवजार बँकेचे देखील उद्घाटन करण्यात आले असून ही अवजार बँक रायगड जिल्ह्यातील पहिली अवजार बँक ठरली आहे. विकासाच्या वाटेवर सातत्य आणि जबाबदारी      तांबाटी ग्रामपंचायतीने गेल्या तीन दशकांत औद्योगिक वाढ, CSR निधीचा प्रभावी वापर आणि ग्रामनिधीचे नियोजनबद्ध व्यवस्थापन यामुळे तालुक्यात आणि जिल्ह्यात आघाडीचे स्थान मिळवले आहे. माजी सरपंच शरद कदम यांनी १९९३ च्या...

“तालुक्याचे पाणी वाचवा – प्रदूषण रोखा” घोषणांनी उपविभागीय अधिकारी कार्यालय परिसर दणाणला; हजारोंचा सहभाग, प्रशासनावर निष्क्रीयतेचे आरोप पेण | जतिन मोरे      हेटवणे जलबोगदा प्रकल्पाचे बेकायदेशीर काम तात्काळ थांबवावे आणि जेएसडब्ल्यू डोलवी प्रकल्पाच्या प्रदूषणकारी विस्ताराला मंजुरी रद्द करावी या दुहेरी मागण्यांसाठी पेणमध्ये रविवारी उपविभागीय अधिकारी कार्यालयासमोर हजारोंच्या संख्येने शेतकरी, महिला व सामाजिक कार्यकर्त्यांनी ठिय्या आंदोलन छेडले. तालुक्याच्या अस्तित्वाशी निगडित ‘पाणी वाचवा–प्रदूषण रोखा’ या लढ्यामुळे आंदोलनाला प्रचंड तीव्रता लाभली आहे.           हेटवणे धरणातून मुंबईकडे पाणी वळवण्यासाठी सुरू असलेल्या ३.२ मीटर व्यासाच्या जलबोगद्याविरोधात घोषणाबाजी करत कार्यकर्त्यांनी ठामपणे मागणी केली की, “परवानगीशिवाय सुरू असलेले हे काम तात्काळ थांबवले पाहिजे.” नंदाताई म्हात्रे, समीर म्हात्रे, अभिमन्यू म्हात्रे यांनी प्रशासनावर निष्क्रीयतेचा आरोप ठेवत सांगितले की, “तालुक्याच्या अस्तित्वावर घाला घालणारा हा बोगदा कोणत्याही परिस्थितीत चालू देणार ना...

“पेण पोलीस विभागाचा हिरवा संकल्प : हरित महाराष्ट्र अभियानातून वृक्षलागवड” पेण | जतिन मोरे       "हरित महाराष्ट्र, समृद्ध महाराष्ट्र" या राज्य शासनाच्या महत्वाकांक्षी अभियानाला आज पेण उपविभागीय पोलीस अधिकारी कार्यालयात सुंदर प्रतिसाद मिळाला. पर्यावरण संवर्धनाचा संदेश देत या ठिकाणी वृक्षलागवड करण्याचा उपक्रम राबविण्यात आला.            या उपक्रमात स्वतः पोलीस उपविभागीय अधिकारी जालिंदर नालकुल यांनी सहभागी होत वृक्षारोपण केले. त्यांच्यासोबत वाचक पोलीस उपनिरीक्षक विनोद सुर्वे, पोलीस अधिकारी शाम पाटील व दत्ता साळवी यांनीही उत्साहाने वृक्षारोपण केले. पोलीस अधिकाऱ्यांच्या या सहभागामुळे समाजात पर्यावरणाविषयी सकारात्मक संदेश पोहोचत असून, पोलीस विभाग फक्त कायदा-सुव्यवस्था सांभाळत नाही तर पर्यावरण संवर्धनासाठीही कटीबद्ध असल्याचे एक उत्तम उदाहरण घालून दिले आहे. राज्यात झपाट्याने होत असलेल्या औद्योगिकीकरण, नागरीकरणामुळे पर्यावरणाचा समतोल बिघडत आहे. याला तोडगा म्हणून महाराष्ट्र शासनाने “हरित महाराष्ट्र – समृद्ध महाराष्ट्र” हे अभियान हाती घेत...

कर्जतच्या कार्यक्रमात आरपीआय (आठवले) पक्षाच्या बेकायदेशीर पद नियुक्त्या ; जिल्हाध्यक्ष नरेंद्र गायकवाड यांचा मोठा निर्णय, सर्व पदे रद्द      " पदांचा गैरवापर केल्यास पोलिसांत तक्रार दाखल करणार" - जिल्हाध्यक्ष नरेंद्र गायकवाड वावोशी | जतिन मोरे      रिपब्लिकन पार्टी ऑफ इंडिया (आठवले) पक्षाच्या रायगड जिल्ह्यात रविवारी झालेल्या एका कार्यक्रमाने खळबळ उडवून दिली आहे. कर्जत येथील शेळके हॉलमध्ये काही जणांना आरपीआय (आठवले) पक्षातील पदांची नेमणूक करण्यात आली, मात्र ती संपूर्णतः बेकायदेशीर असल्याचा स्फोटक आरोप जिल्हाध्यक्ष नरेंद्र गायकवाड यांनी केला आहे.          जिल्हाध्यक्ष गायकवाड यांनी स्पष्ट केले आहे की, कर्जत तालुक्याचे माजी तालुका अध्यक्ष हिरामण गायकवाड यांच्या उपस्थितीत हा कार्यक्रम झाला. यावेळी खालापूर तालुका अध्यक्ष (पूर्व) महेंद्र धनगांवकर यांच्या लेटरहेडवर काही नियुक्तीपत्रे देण्यात आली आहेत. विशेष म्हणजे, या नियुक्त्या करण्यात आलेल्या व्यक्ती हे आरपीआय (आठवले) पक्षाचे अधिकृत सदस्य सुद्धा नाहीत. याबाबत जिल्हाध्यक्ष नरे...

तुराडे ग्रामपंचायत मधील महिलांसाठी विविध प्रशिक्षण शिबीर      ओटीकर, संमीथा आणि स्पेरूल फाउंडेशनने घेतला पुढाकार  रसायनी : राहुल जाधव         रसायनी परिसरातील तुराडे ग्रामपंचायत मधील महिलांसाठी नुकताच सामाजिक उपक्रम राबविण्यात आला. यामध्ये महिलांना ब्युटी पार्लर व आर्थिक साक्षरता यांबाबत प्रशिक्षण देण्यात आले.        ज्या महिलांना आपली कला व्यावसायिक दृष्टीने सादर करायची आहे, अथवा काहींना घरातूनच आपल्या कौशल्याने आर्थिक उत्त्पन्न निर्माण करायचा आहे. यांसाठी ओटीकर कंपनी, संमीथा आणि स्पेरूल फाउंडेशन यांच्या संयुक्त विद्यमाने व तुराडे ग्रामपंचायतीच्या सहकार्याने ग्रामपंचायत हद्दीतील महिलांसाठी 30 दिवसीय प्रशिक्षण शिबिराचे आयोजन केले गेले. यामध्ये महिलांना ब्युटी पार्लर चे प्राथमिक प्रशिक्षण देऊन किट देण्यात आले. तर आपली आर्थिक बचत कशी करावी, बचत केल्याचे फायदे, कोणकोणत्या माध्यमातून बचत करावी? अशा विविध मुद्द्यांच्या आधारावर आर्थिक साक्षरता प्रशिक्षणही यावेळी देण्यात आले.      ...

महाड येथील RPI वर्धापन दिनासाठी कर्जत-खालापूर पदाधिकाऱ्यांचा निर्धार     रायगड जिल्हाध्यक्ष नरेंद्र गायकवाड व कोकण कार्याध्यक्ष राहुल डाळिंबकर यांचे महत्वपूर्ण मार्गदर्शन वावोशी | जतिन मोरे      रिपब्लिकन पार्टी ऑफ इंडिया (आठवले) कर्जत-खालापूर विधानसभा मतदारसंघातील प्रमुख पदाधिकारी व कार्यकर्त्यांची महत्वाची बैठक रविवार, दि. ७ सप्टेंबर २०२५ रोजी सकाळी ११ वाजता डॉ. बाबासाहेब आंबेडकर सभागृह, डिकसळ-शांतीनगर (कर्जत-कल्याण रोड) येथे पार पडली. या बैठकीचे आयोजन विधानसभा मतदारसंघ अध्यक्ष आयु. किशोर गायकवाड यांच्या नेतृत्वाखाली करण्यात आले होते.          या बैठकीस रायगड जिल्हाध्यक्ष मा. नरेंद्रभाई गायकवाड, कोकण प्रदेश कार्याध्यक्ष मा. राहुलजी डाळिंबकर व कोकण प्रदेश संघटक मारुतीदादा गायकवाड प्रमुख मार्गदर्शक म्हणून उपस्थित होते. यावेळी जिल्हा सचिव सुनील सोनावणे, खालापूर तालुका अध्यक्ष सुर्यकांत कांबळे, प्रभारी कर्जत तालुका अध्यक्ष मनोज गायकवाड, विधानसभा मतदारसंघ अध्यक्ष किशोर गायकवाड तसेच पदाधिकारी व कार्यकर्ते मोठ्या संख्येने उपस्थित ...

खालापूर तालुक्यातील शेतकऱ्याला ट्रॅक्टरचा लाभ...    जिल्हाधिकारी किशन जावळे यांच्या हस्ते कृषी यांत्रिकीकरण योजनेंतर्गत ट्रॅक्टर प्रदान वावोशी | जतिन मोरे       “शेती अधिक फायदेशीर व्हावी आणि शेतकऱ्यांनी नवनवीन प्रयोग करत यांत्रिकीकरण स्वीकारावे,” असा प्रेरणादायी संदेश देत रायगड जिल्हाधिकारी किशन जावळे यांनी रामेती प्रशिक्षण संस्था, खोपोली येथे आयोजित कार्यक्रमात राज्य कृषी यांत्रिकीकरण योजनेअंतर्गत मंजूर ट्रॅक्टरचा लाभ खालापूर तालुक्यातील शेतकरी महेश लक्ष्मण पवार यांना प्रदान केला.         या कार्यक्रमाला जिल्हा परिषदेच्या मुख्य कार्यकारी अधिकारी नेहा भोसले, प्राचार्य रामेती श्रीमती राजपूत, तालुका कृषी अधिकारी सुनील निंबाळकर, मंडळ कृषी अधिकारी नाजीम मुलाणी, उप कृषी अधिकारी सुरेश उघडा, कृषी सेवक सुमित भगत आदी मान्यवर उपस्थित होते. सदर प्रसंगी जिल्हाधिकारी जावळे यांनी शेतकऱ्यांना मार्गदर्शन करत हळद लागवड वाढविण्यासाठी विशेष प्रयत्न करण्याचा सल्ला दिला. तसेच आधुनिक साधनांचा वापर करून शेतीतून चांगले उत्पन्न मिळविण्याची प्रेरणा द...

जांभिवलीत भारतीय बौद्ध महासभेकडून वर्षावास मालिकेचे अकरावे पुष्प गुंफले       ‘बौद्धांचे मंगल सण व मंगल दिन’ या विषयावर राजेंद्र क्षीरसागर यांचे प्रबोधनकारी प्रवचन वावोशी | जतिन मोरे        दि. बुद्धिस्ट सोसायटी ऑफ इंडिया तथा भारतीय बौद्ध महासभा तालुका शाखा खालापूर यांच्या अंतर्गत ग्रामशाखा जांभिवलीत धम्म संस्थेच्या माध्यमातून वर्षावास मालिकेचा अकरावा पुष्प रविवारी (दि. ७ सप्टेंबर २०२५) जांभिवली बुद्ध विहार येथे संपन्न झाला. दुपारी २.०० ते ५.०० या वेळेत झालेल्या या प्रवचन कार्यक्रमात धम्म उपासक, उपासिका मोठ्या संख्येने उपस्थित होते.       या प्रसंगी ‘बौद्धांचे सण मंगल दिन’ या विषयावर जिल्हा महासचिव राजेंद्र क्षीरसागर यांनी प्रबोधनपर माहिती दिली. त्यांनी आपल्या विचारांतून बौद्ध धम्मातील मंगल सणांचे महत्त्व, सामाजिक बंधुभावाची जपणूक आणि धम्ममार्गाने जगण्याचे मोल यावर सखोल मार्गदर्शन केले. त्यांच्या प्रभावी प्रवचनामुळे उपस्थित धम्मबांधव मंत्रमुग्ध झालेले पहायला मिळाले. या कार्यक्रमाला भारतीय बौद्ध महासभेचे प्रभारी जिल्हाध्यक्ष स...